السلا علكم ورحمة الله وبركاته
مخاوي الجن 2
اللي يقراء القصه ياريت يقرى اول مخاوي الجن 1
القصه
كان خالد ويا ربعه رايحين بيت مهجور وصار تحدي بينهم وبين واحد وجا خالد ودعاني وقالي:
معنا طلعه
قلت:وين
قالي :ابطلع معنا ولا لا
قلت :ابطلع
قلي تعال عندي الساعه 12
قلت :صاحي انت نطلع الساعه 12 ونروح فين لايكون مغامره من مغامراتك المجنونه
قال: يعني مابطلع معا
قلت :لا
قال : ياخواف
قلت : لا لا خلاص ابطلع معك
قلت ابطلع معك عشان مايقول علي خواف واصير مسخره قدام اخوياي
جيته الساعه 12 لقيته مجهز العزبه وشايل معه البلاستيشن
قلت له :ليش البلاستيشن
قال :ابنلعبه
قلت :منين الكهرباء ومنين التلفزيون يا فاهم
قال:التلفزيون مع حمد والكهرباء معي تحويله نشبكها في البطاريه حق السياره
قلت :وين بن روح
قال: بيت الجني عبد القادر
قلت الله يعيني على هالليله
وشمينا لين وصلنا بيت عب القادر وصلوا الشباب وكنا 5
دخل خالد وقال : ابدخل واشوف ين نجلس
قلت في الحوش احسن عشان اذا سمعنا شي نهرب على طول
قال ابدخل الصاله
دخل وشل معه التحويله
جربها لقى فيه كهرباء
بس اللمباة خربانه
قال :هاتوا العفش
جلست انا عند السياره اعطيهم الاغراض الاني خايف
نزلنا العفش دخلت وارجيلي اتصافق
شغل التلفزيون وجلسنا نلعب كور جا خالد قال :
قم يال عبدالله جب العشا برست
قمت قلت: والله ماحد يجيب العشا غيري
قال: عبدالله انا باجيبه
قام حمد وقال :انا بجيبه
قام محسن وقال : انابجيه
كان خايف من ذي الليله المرعبه
جريت ركبت السياره ومشيت وقالت لنفسي ورا ما اروح واخليهم بكيفهم
مادريت الا جوالي يدق لقيته خالد
خالد : السلام عليكم
انا :هلا خالد مبعد وصلت المطعم
خالد : داري بس خله يكثر صلطه
انا:ابشر
خالد :ون رحت وخليتنا والله لا تربص ابطنك
انا : ابشر خلاص ما اروح اخليكم
رجعة بالعشاء ودخلت وسميت ودخلت عليهم وسلمت
دخلة عليهم الا لقيتت خالد مشغل شريط اسمه <رزند ايفل 4>
شريط <رزند ايفل4>رعب على مستوى اللي يشتري اول مره يلملم اهله ويلعب
قلت عزالله برجعنا من هالمكان على طول على العنابر حق مستشفى الجانين
جلسنا تعشينا بعد العشا جلسنا نشرب شاي قام خالد وشغل المسجل على اغنيه ويرقص
قلناله طف المسجل لا يجينا عبد القادر
الاوشوي طفى المسجل من نفسه قال خالد :
اكيد الكهرباء طفيت
وطفى التلفزيون من نفسه اخ مصد ضو ء لنا انطفى قلت : قوما خلونا نمشي وبكره نعود للاغراض
خالد :اللي يتحرك من مكانه برصعه هنيا
جلسنا خفنا من خالد اكثر من عبد القادر لان خالد ضخم مليان عضلات وطويل
دخل التوقيف عدت مرات من اجل مضاربات حتى مره من المرات جوني ثلاثه مضارب
مع واحد منهم وجاب اخوياه معه جيت دعيت خالد هربوا كلهم
لقناهم انا وخالد وضابنا معهم هو مسك اثنين ونا واحد هو خلص عليه بسرعه
وان اكفخه ويكفخني وصرعته وطاح يبكي جا خالد مسك بيدينه وقالي امسك برجوله
وشد شديت ورفعناه فوق وصرعنا تحت وسوناها مع الاثنين الباقين
دخل خالد التوقيف وانا هربت
نرجع للقصه
سمعنا صوت طبل وزامل مابغا اقول الزامل لاني اخاف يجوني
الزامل فيه استدعاء ودعاء بالموت
قام خالد يزمل معهم يقولن بيت وخالد يقول بيت
هرب محسن وحمد وبقيت انا وعبدالله وقف الزامل جلس خالد بع العرضه تعبان وقال وين الباقين قلنا اهربوا
قال اوريهم لا رجعنا
جلسنا نسولف وانا وعبد الله مأتشين خوف رجعت الكهرباء الا وفي حضن خالد هر
اسود مسك بذيله وصفقبه على الجدار هرب البس قلنا سم بالله الايكون عبد
القادر ولا حد من اعياله قال خله هو يقول بسم الله مو انا
طفت الكهرباء مره ثانيه الا ونسمع صوت يقول ابتطلعون ولا لا قال خالد كم
الساعه لقاها الساعه 2:30 قال خاد للصوت باقي ساعه ونمشي قال الصوت انا
عبد القادر ينضرب ولدي من قبل بشر قال خالد وانتوا ليش تلبسون البشر
قال عبد القادر :والله لو مانت صليت الفجر كان وديتك العنايه قال خالد
:وشدراك بالعنايه قال عبد القادر :خرجت من واحد في الستشفى بعد ما جابوا
شيخ يقرى عليه
قال خالد :الله يعينك اصبر علينا ساعه وبنطلع
قال عبد القادر :اوريكم
حسينا ناس يجرونا برى خرجنا ولقينا الاغراض كلها برى مسفطه كنها ما استعملت
قال خالد : ابرجع مره ثانيه
وكان عند البيت برميل زباله <ونتوا بالكرامه> يتحرك جرينا الا وهو
يمشي ورانا مسرع وقف خالد وخر من طريق البرميل وجع وراه وتعوذ من ابليس
سمع مره تقول : رح لخوياك لا اكمل باقي راسك شيب
خالد: من انتي
المره :انا اللي خوفتك في المزرعه وحرقتني
خالد :هذا انتي
المره :رح قبل مايشوفني ابوي ويذبحني
خالد :وش اسمش
المره :حمده رح بسرعه
خالد :جد جد وش اسمش ؟
المر ه: غزلان بسرعه رح
خالد :ليش خوفتيني ذاك اليوم ؟
غزلان : يمكن اجرب حضي مع بشري
خالد : نتقابل
غزلان : نتقابل
راح خالد للسياره ودور علينا ولقانا وقف وقال:
اركبوا نروح نلم الاغراض
انا : والبرميل
عبدالله خلنا انروح البيت وبكره نجيب الاغراض خالد:
لا خلاص معاد فيه احد
رجعنا لمينا الاغراض ورجعنا البيت
وخلصت القصه انشاء الله تعجبكم
منتضر ردودكم وتقييمكم
ودمتم سالميييييييييييييييييييييييييييييييييييييييييييييي ين
موضوع: مخاوي الجن 2 قصه واقعيه 
الجمعة يوليو 08, 2011 1:58 pm
